Forme regjistrimi



Botime të QSA



Konference nderkombetare pdf Shtyp Email
Shkruar nga Administrator   
E mërkurë, 02 Korrik 2014 10:21

Instituti i Gjuhësisë dhe i Letërsisë si dhe Shkolla doktorale në gjuhësi, pranë Qendrës së Studimeve Albanologjike, Tiranë, organizojnë më 11 korrik 2014 Konferencën III Ndërkombëtare “Kërkime Gjuhësore”, një veprimtari tashmë e përvitshme dhe e institucionalizuar. Ashtu si dhe në dy konferencat e mëparshme, edhe këtë vit ka pasur aplikime të shumta nga doktorantët e Shkollës sonë, por edhe nga ata të universiteteve shqiptare, në Shqipëri, Kosovë dhe Maqedoni.

Përgjithësisht pjesëmarrësit janë studiues të rinj dhe në proces të përgatitjes së tezave në kërkim të gradës “Doktor shkencash”. Por në Konferencë marrin pjesë dhe shumë studiues të tjerë, me grada e tituj shkencorë, tashmë të njohur në studimet albanologjike.

Edhe këtë vit tematika e Konfrencës është e hapur dhe e konceptuar në katër fusha të kërkimit shkencor: në leksikologji e semantikë; në gramatikë e histori të gjuhës shqipe; në dialektologji, sociolinguistikë, etnolinguistikë e gjuhësi të zbatuar; në studimet që lidhen me marrëdhëniet gjuhë e letërsi dhe në metodat e përvetësimit të gjuhës.

Gjejmë rastin të falënderojmë të gjithë aplikuesit, sidomos ata që komisioni organizues i Konferencës i përzgjodhi si kumtues. Për të parë programin klikoni këtu.

Modifikimi i fundit E mërkurë, 02 Korrik 2014 10:31
 
Konference pdf Shtyp Email
Shkruar nga Administrator   
E henë, 30 Qershor 2014 07:02
                           
 
 
 
 
 
 
 
 
 
 
 
 
Më datë. 30. 06. 2014, ora 11-12: 00, Departamenti i Etnologjisë, pranë Institutit të Antropologjisë Kulturore dhe Studimit të Artit- QSA, organizon aktivitetin “Njerëz, Tekste dhe Imazhe”. Ky takim bëhet në nderim të etnografëve shqiptarë, dhe ka për qëllim sensibilzimin e opionionin publik rreth rendësisë që ka puna kërkimore në lëmin e antropologjisë social-kulturore në Shqipëri. Në këtë aktivitet prezantohen shkurtimisht eksponatët të përzgjedhur nga Arkivat e Etnologjisë (Dorëshkrime, veshje, botime etj). Janë të ftuar të marrin pjesë studiues, studentë dhe kushdo që e shikon vetën të interesuar për marrë më shumë njohuri për punën kërkimore në etnografinë shqiptare.
Modifikimi i fundit E mërkurë, 02 Korrik 2014 10:34
 
Ftesë për pjesëmarrje në konferencë pdf Shtyp Email
Shkruar nga Administrator   
E enjte, 27 Mars 2014 09:30
Është viti i tretë që Shkolla doktorale e gjuhësisë, pranë QSA-së, ka institucionalizuar konferencën e përvitshme në fushë e studimeve dhe të kërkimeve shkencore në gjuhësi, që zhvillohet në muajin maj. Edhe këtë vit është planifikuar të mbahet Konferenca ndërkombëtare me të njëjtën problematikë: “Kërkime gjuhësore”. 
Modifikimi i fundit E martë, 13 Maj 2014 11:28
Lexo me shume...
 
Leksion i hapur pdf Shtyp Email
Shkruar nga Administrator   
E martë, 13 Maj 2014 11:20
Ka praktika të ndryshme për të hapur shtigje të reja në lëmenjt e dijes. Dhe sot, sidomos këto ditë, debatohet shumë se si. Ndoshta mënyra më e mirë për të propozuar një fushë të re apo klasike të dijeve është kuvendimi. Ky është dhe qëllimi i projektit që merr përsipër të promovojë idenë për një fushë studimesh, atë të antropologjisë vizuale. Për këtë arsye, në: Institutin e Antropologjisë Kulturore, Tiranë, Rruga Naim Frasheri, Nr. 7, ditën e premte, dt. 16. 05. 2014, ora 14.00-16.00, do të mbahet leksioni i hapur, "Origins and (Possible) Future of the "Visual Archives", in Social-Cultural Anthropology", nga Prof. Dr. Paolo Chiozzi, Universiteti i Firences. Paolo Chiozzi është studius i njohur në antropologjinë urbane dhe ndër themeluesit e antropologjisë vizuale në Itali.
Modifikimi i fundit E enjte, 15 Maj 2014 13:03
 
Konference Shkencore pdf Shtyp Email
Shkruar nga Administrator   
E henë, 03 Shkurt 2014 09:33
Qendra e Studimeve Albanologjike, Instituti i Gjuhësisë dhe i Letërsisë, Departamenti i Studimeve Letrare, në bashkëpunim me Shoqatën ndërkombëtare të Studiuesve mbi shekullin e 18të (Société Internationale d’études sur le 18ème siècle) dhe Universitetin e Lorraine-s (Université de Lorraine) organizon takimin shkencor: Përkthime të Rousseau-it 3: veprat politike. Duke kërkuar pjesëmarrjen e studiuesve në fusha të ndryshme disiplinore, (histori, filozofi, letërsi), në një shtrim teorik të çështjes së përkthimit dhe nëpërmjet trajtimeve të ndryshme të problemeve mendojmë të sjellim raste konkrete të interpretimeve të teksteve politike të Rousseau-it (përkatësisht në shqip: Emili dhe Kontrata Sociale). Ky takim që do të zhvillojmë në Tiranë mbyll më 3 qershor një cikël takimesh shkencore të zhvilluara më parë pranë Universitetit të Lorraine-s në Nancy. Është parashikuar që botimi i punimeve të përfshijë dhe artikujt e takimeve të tjera.
Modifikimi i fundit E henë, 03 Shkurt 2014 09:40
 
<< Fillo < Para 1 2 3 4 5 6 Tjetri > Fund >>

Faqe 1 nga 6

Kush eshte online?

Kemi 5 vizitorë online